« Miorena amin’ny antson’ny Tompo » Gen. 12: 1- 9Ahitantsika ilay antso miezinezina dia ny niantsoan’Andriamanitra an’i AbramaRehefa miteny isika hoe « antso » dia misy karazana antso 2
Alahady faharoa amin’ny Karemy Loha-hevitra« Mampiorina ny mino ny Tenin’Andriamanitra » Perikopa : 2Tan. 12/1-8 ; Jao 8/ 25-30 ; Heb.13/7- 11 Toriteny tamin’ny Fidirana
Alahady IV manaraka ny Paska « Ankatoavy ny fitarihan’ny Fanahy Masina » Nalaina tao amin’ny Lioka 13: 8-12 Fampianarana nataon’i Jesoa Kristy ho an’ny mpianatra Tiany hankato
Alahady II manaraka ny Paska Loha-hevitra: « Vavolombelon’ny fitsanganan’ny Tompo ny mino » Vavolombelona manao ahoana no kendren’ny Tompo amin’ny mpino? araka ny 2Kor 4: 16- 18
Alakamisy 09 Oktobra 2025 : Lioka 10, 1-7
Ny fepetra tsy maintsy narahan’ny mpamory vokatra:
1- Mandeha tsiroaroa
Zava-dehibe eo amin’ny asan’ny Tompo ny fanekena ny fanirahana mba hahazoana vokatra. Eto i Jesoa dia maniraka ny fitopolo lahy, ka ny fepetra dia mandeha tsiroaroa. Nataony izany mba hampitombo avo roa heny ny finoana amam-pahendren’ny isam-batan’olona, hanamasinana ny herim-po sy hisian’ny fiaraha-miasa. Izao lamina nataon’i Jesoa izao dia azontsika ambara hoe « tafika masina » lehibe, hamoriana ny vokatra.
2-Ho toy ny zanak’ondry eo ampovoan’ny ambodia
Tsy mora ny manatanteraka asa anirahan’ny Tompo. Tsarovy fa hotandindomin-doza marobe ny mpamory vokatra, tahaka ny zanak’ondry tsy misy fiarovana eo anivon’ny ambodia. Tsy maintsy mangataka ny fanatrehan’Andriamanitra sy ny fiarovany isika, mba hahatanteraka ny fanirahany. Aoka hiomana fa feno ambodia ny toerana famoriam-bokatra.
3-Tsy ho variana amin’izao fiainana izao
Aoka tsy ho lany andro na ho variana amin’izay mahakasika ny nofo. Ny tanjona dia ny hahatanteraka ny iraka anirahina. Izany akory tsy midika hoe aza miraharaha ny momba anao, na ny manodidina anao, fa atao ho laharam-pahamehana ny asan’ny Tompo.
4-Manonöna ny fiadanana
Izay mampiantrano na izay andalovana dia anonony ny fiadanana (fandriam-pahalemana); mba ho amin’izy ireo ny fiadanan’ny Tompo hananany fifaliana, faharetana, mandra-piavin’ny Tompo eny amin’ny rahon’ny lanitra. Dia ho aminao koa anie ny fiadanana!
Fanontaniana:
Mba anisan’ny nanaraka ny fepetra apetraky ny Tompo ve ianao amin’ny iraka tanterahinao?
Sampana Sekoly Alahady Foibe
« Mamoria vokatra ho an’ny Tompo »